畬族山歌《董永與七仙女歌》

2023年12月30日發(fā)(作者：銀海春光)

董永與七仙女歌

七姐天上七股星，夜間來太幾多明；

冒得七姐根源事，萬人流傳到如今。

天上無云星子晶，西天又出七仙人；西天又出七仙女，落我凡間來游戲。仙女亻在天門背，仰著凡間鬧彩彩；仰著凡間人捉魚，凡間人子擔柴來。天仙玉女凡間來，大姐難香送分妹；好落凡間配董永，又配董永結頭對。星子密密在天心，細時也是孃出生；董永賣身供爺娘，擔柴買米供大人。董永賣身好名聲，承頭一二講來聽；賣身董永幾多苦，又幫財主做長年。仙女又落凡間來，土地公公叫上來；仙女又儂土地講，土地公公來做媒。天仙玉女落凡陽，土地公公便叫上；有緣有故講其聽，有緣有故有人當。土地公公是相信，曉得天上七仙人；

曉得天上七仙女，行上云頭去變身。

行上云頭去變身，身乃變好凡間人；

好落凡間配董永，好攔董永配路心。

董永賣身路里來，路里擋著七姐妹；

無緣無故其唔講，其講大路是公開。董永賣身路里行，七女攔路冇其走；無緣無故其唔講，大路唔過小路行。董永賣身路里過，七女攔路冇其過；無緣無故其唔講，問哥心中也何故。講好言語結頭對，土地公公來做媒；土地公公其唔講，槐蔭大樹來開嘴。講好言語便擔當，大樹做媒愛拜堂；身上背個是包袱，手上拿傘都唔放。講好言語帶轉來，帶落財主寮里來；財主奴才講其轉，財主講其是拐帶。財主講其拐帶來，我是何人來為媒；前世姻緣命注定，半路夫妻結頭對。主家地主實會算，姻緣帶轉亦冇關；

三年長年未做滿，正是做掉兩年半。

仙女儂其斷上斷，千斤東干兩人擔；

董永長工代磨麥，仙女更布代紡紗。

主家地主壓迫其，壓迫仙女更蠶絲；

十匹綢緞更唔了，董永想來幾多氣。吩咐董永心莫愁，手拿難香過來燒；難香來燒就是叫，六個姐妹落來朝。妹更綢緞更唔來，難香來燒叫姐妹；大姐問妹什個事，什個事情叫姐來。十匹綢緞起頭更，更到半夜月又正；五更雞啼天就亮，妹又看姐轉西天。更好綢緞心正開，仙女去叫董永來；董永磨麥過來仰，董永仰著笑曖曖。更好綢緞心唔愁，主家地主就來到；十匹綢緞都更了，地主心壞講其偷。長年做了轉回頭，董永想來幾多愁；冇分田地冇寸土，冇寮掌在是瓦窯。半路夫妻半路來，亻分路里歇一回；

裳乃著爛脫來補，董永快活出頭來。

姻緣沒了愛上天，玉皇來催雷公響；

天兵來催愛去轉，催轉打落坐牢間。

姻緣沒了上天來，玉皇來催兩三回；

幾好姻緣未做了，董永想來心唔開。

姻緣沒了天愛上，玉皇來催兩三場；

青山大樹拉下枝，樹枝拉下手正放。

好帶董永去上天，變作鳥獸亻路邊；

男人變身飛唔動，女人變身去上天。

董永想來心唔開，去見大樹兩三回；

待先做媒是你講，這陣去轉唔開嘴。

七妹又矮姐又高，妹其話言是姐告；

天鵝送信分妹仰，儂姐打落坐天牢。

七女想來心唔開，轉透半天到落來；

寫篇文章大樹下，明年三月子送來。

注：1.冒得：不知；2.

亻：站；3.

東干;重擔；4.

儂：和，與；

（完）